xoves, 17 de maio de 2018

AS LETRAS GALEGAS NO CICLO DE INFANTIL

     Con motivo do DÍA DAS LETRAS GALEGAS, o ciclo de infantil traballamos arredor da figura de Mª Victoria Moreno. Dado que foi unha gran apaixonada da nosa lingua e, por iso, afondamos nela tratando de descubrir palabras que nos gusten en galego:

- Unhas xurdiron na aula, en grupo, falando na asamblea. Os nenos foron aportando palabras que coñecían e que lles gustaban, sobre todo nas aulas de 4 e 5 anos.

- E outras foron aportadas polos nenos xunto coas súas familias, onde cada un dictáballe á mestra as letras que contiña a palabra elexida na súa familia e logo, entre todos, líana coa axuda da mestra.

    En ambos casos, despois de traballalas, realizaron a súa manualidade onde plasmaban e decoraban  a palabra ou palabras galegas dentro de:

                                   - Os de 3 anos dentro dunha flecha que sinala o camiño.
                                   - Os de 4 anos dentro dunha letra en maiúscula.
                                   - Os de 5 anos dentro dunha letra en minúscula.



Pero, tras escribir, decorar e prastificar xurdiunos unha dúbida: ONDE AS COLOCAMOS? Hai quen propuxo colocalas no teito da aula, ou debaixo do encerado, ou na porta...pero ou era complicada a colocación ou non se podía. Así que mellor era saír da aula en busca dun posible sitio. 



E, camiñando camiñando, chegamos á entrada do cole e o tivemos claro:

NA ÁRBORE DE FLORES ROSAS DO COLEXIO!







           O Kanzan perdera as súas flores rosas debido ó aire e quedara coas súas follas verdes polo que decidimos que quedaría ben enchelo de cor e de palabras bonitas, e non hai nada máis lindo que a nosa lingua.

           E, asemade, tamén traballamos nas aulas arredor das poesías elaboradas para o programa de radio " Dálle á lingua" e coa que realizamos uns pequenos videos no que traballamos a expresión oral (pronunciación, vocalización,...) e a expresión corporal (dramatización da poesía). Por iso, compartimos estas pequenas pezas audiovisuais que agardamos que vos gusten:








Tamén  vos  deixamos  un vídeo que nos gustou moito, no que se lle pon música e baile a un poema de María Victoria Moreno e que ademáis tamén se pode ver en lingua de signos.


martes, 15 de maio de 2018

TRABALLANDO A INCLUSIÓN



Onte, no noso colexio, houbo  un obradoiro sensorial para o alumnado de primaria levado a cabo polas asociacións ACEESCA, COGAMI, AMENCER e ASEM que contribúen a mellorar a calidade de vida das persoas con diversidade funcional, das súas familias e da contorna, promovendo o cumprimento dos seus dereitos e favorecendo a súa autonomía e autodeterminación.

Os nenos e nenas do colexio tiveron que poñerse no lugar destas persoas e comprender como é o seu día a día. 
Foi unha actividade de gran interese para todos, xa que nos fixo reflexionar sobre a cantidade de barreiras arquitectónicas e sociais aínda pendentes de desaparecer hoxe en día. 

Dende aquí queremos agradecer a todas estas asociacións a súa iniciativa de acercarnos un pouquiño a súa realidade. 
Gozamos un montón!





martes, 24 de abril de 2018

OBRADOIRO DE CALIGRAFÍA MEDIEVAL

Onte no colexio tivemos a sorte de transportarnos á Idade Media. Primeiramente acudimos a unha explicación sobre a caligrafía nesta época: materiais, pergamiño, tipos de tinta, etc. A continuación puxemos en práctica estes coñecementos realizando un pequeno texto do Pergamiño Vindel de Martín Códax, recordando así as aprendizaxes sobre o Códice Calixtino tan intimamente relacionado co Camiño de Santiago sobre o que estamos traballando.
Foi unha actividade moi enriquecedora e lúdica e gozamos un montón con ela!!




23 DE ABRIL, DÍA DO LIBRO

Onte foi o Día do Libro, así que enchemos os corredores do colexio de deseños de nenos/as lendo o seu libro favorito. A actividade gustoulles moito e o resultado non podía ser máis divertido. 



E como dicía Cervantes: " El que lee mucho y anda mucho, ve mucho y sabe mucho". 

Feliz Día do Libro!!

luns, 23 de abril de 2018

SAÍDA Á FRAGA DO CICLO DE INFANTIL

O ciclo de infantil, como xa sabedes, partipamos no CONTO VIAXEIRO entre colexios de Pontevedra e, este curso, leva o título "Asubíos na fraga". Por tal motivo, as titoras traballamos nas aulas esta temática.

Despois de investigar sobre que cousas atopamos na fraga, que pode ser un asubío alí,... elaboramos as nosas páxinas do conto (xa mencionado noutro artigo):


Tras todo isto, organizamos unha saída a nosa fraga que está na contorna, en Campañó. 


Así que o venres 20 puxémonos en marcha para adentrarnos na fraga. Para iso, fixemos filas formada por tríos:

Un nenos de 3 anos, outro de 4 anos e, dirixindo, un MAIOR de 5 anos.



 É marabilloso ver a responsabilidade que adquiren os de 5 anos porque se sinten maiores.

Cando chegamos alí, observamos todas as árbores que alí habían, as follas que son diferentes, os froitos, así como falar dos animais que vivían na fraga onde, para eles, o máis importante e o que era máis protagonista dalí era, por suposto, O LOBO.



Foi unha xornada na que aprenderon moitísimo e disfrutaron a tope pero, A QUE NON SABEDES???? Mentres viñamos de volta, paramos xunto a unha fonte e alí había unha sorpresa!!!! apareceu unha poesía sobre xoaniñas que queremos aprender e traballar sobre ela! Xa vos ensinaremos todo o que nos depara esta poesía...

PARA VER MÁIS FOTOS DESTA SAÍDA, PINCHADE NA FOTO DE ABAIXO, que fixémola onde atopamos ese "AGASALLO" e co que comezamos unha nova misión.







APADRIÑAMENTO LECTOR

Con motivo da celebración do Día do Libro, o venres realizamos no patio a actividade do "apadriñamento lector". Nela, os maiores prepararon unha lectura para contarlles aos máis pequenos. Así, en pequenos grupos espallados polo patio, gozamos desta agradable xornada compartindo interesantes historias. Pasámolo xenial, así que seguro qu repetimos!!





Tedes máis fotos desta actividade  na galería de imaxes ou PINCHANDO EIQUÍ

mércores, 7 de marzo de 2018

O Loro Ravachol de 1º primaria

Con motivo do Entroido en Pontevedra, e tras escoitar o conto de "Marisé e o Loro Ravachol", o alumnado de 1º Ed.Primaria quixo debuxar cada un o seu propio Loro Ravachol que, pese a ser incinerado ó remate do Entroido, estes lucen moi colorido xa que era un loro moi querido por todos. Foi unha personaxe que lles encantou, sobre todo, pola súa "forma de falar" e das palabras "tan pecualidares" que dicía.

Ó chegar a clase, cada un deixou voar a súa imaxinación debuxando e coloreando o seu propio loriño e decorándoo con plumas dándolle un toque moi divertido!!

Aquí podedes ver as marabillosas obras de arte que fixeron:





















venres, 2 de marzo de 2018

OS CONTOS VIAXEIROS DE INFANTIL XA ESTÁN EN FUNCIONAMENTO

     Aquí temos os MALETÍNS de 3, 4 e 5 anos que transportan, junto cos diferentes Rufiños, os contos viaxeiros que están creando as familias das correspondentes aulas. 

     A temática das tres aulas é o mesmo, o noso proxecto "Bo Camiño!", no que abordarán o tema do Camiño De Santiago. O comezo do conto naceu nas aulas, no momento da asamblea e de vivencias que foron vivindo no seu día a día na aula cos compañeiros e coas mestras.



AULA DE 5 ANOS




AULA DE 4 ANOS




AULA DE 3 ANOS



     
     A verdade é que estamos moi sorprendidas coa boa acollida e a implicación por parte das familias porque os contos están sendo moi interesantes e, cando lemos a páxina que elabora cada familia, temos moitas gañas de saber que vai acontecer.

    De momento, os contos van por "BO CAMIÑO!" e, cando rematemos, subirémolos ó blog e os exemplares en papel poderédelos ver na Rufiteca. De momento, seguiremos creando...









martes, 27 de febreiro de 2018

OBRADOIRO DE EXPERIMENTOS gracias a unha nai

      Na Rufiteca atopamos varios libros que tratan sobre experimentos e, ó alumnado de infantil, non hai nada que máis lle guste que facer experimentos. Así que era interesante poder contar cunha química que nos puidera axudar. Así que puxémonos mans á obra e puxémonos en contacto con Bea, a nai dunha nena de 4 anos.




 Ela preparounos uns cantos experimentos con moitos productos e materiais que podemos ter todos nas nosas casa: vinagre, aceite, bicarbonado, refresco, colorante alimentario, fariña de millo,...



Moitos foro os experimentos que fixo deixándonos a todos abraiados: lámpada de aceite, explosións químicas nun bote, densidades dos productos con cores, teñir leitugas, explosións do refresco no sea propio envase,...





Pero o que máis lles chiflou e rechiflou foi O VOLCÁN!!!!




Durante todo o tempo os menos disfrutaron e estaban moisés emocionados. Tal foi o éxito deste obradoiro que queren poder repetilos na aula. Así que, gracias ás anotacións que nos deixou a nai e ós  libros de experimentos que temos na Rufiteca, imos por en marcha un traballo de investigación para volver a facer e investigar sobre novos experimentos que podamos levar a cabo. Pero, se querelles ver máis fotos do obradoiro, pinchadle na foto de abaixo. 






martes, 23 de xaneiro de 2018

LECTURAS DÍA DA PAZ

Aproxímase unha data importante: o Día da Paz que celebramos o 30 de xaneiro. 
Rufiño e o voluntariado da biblioteca seleccionaron estes libros para que poidades botarlle un ollo na hora de ler. Esperamos que vos gusten!!



xoves, 21 de decembro de 2017

MIL GRAZAS!!

E aquí tedes o resultado do Mercadillo Solidario!! 
Poucos libros e un montón de comida que se vai directamente
 para O Banco de Alimentos de Pontevedra.
 Foi todo un éxito esta iniciativa solidaria que esperamos poder volver a repetir nos próximos cursos.  Dende a Rufiteca queremos darvos as grazas, familias, pola vosa colaboración e axuda!!



LECTURAS PARA O NADAL

Xa están aquí as recomendacións lectoras para o Nadal!! 
Rufiño traballou intensamente buscando os mellores libros de lectura e música 
para que disfrutedes durante as vacacións!!
 Eu xa elexín os que vou pedir. E ti...xa sabes cal queres?